وحشتني تاني :))

جاتلي فكرة دلوقتي اني اكتبتلك يمكن تقرالي
او عارف بتمني تقراني اكتر من تقرالي
كل الدنيا دي معاك بس بتبقي دنيا بجد
شيفاك دلوقتي هنا جنبي
معاك بطول السما .. بملك النجوم.. بعيش فوق السحاب زي ما طول عمري حلمت
معاك عرفت يعني ايه حلم بجد يعني
يعني تتمني وتلاقي اللي يساعدك تحقق اللي اتمنيته معاه
يعني تلاقي حد حلمه شبه حلمك وبييساعدك توصله معاه
ارجوك متغيبش تاني .
ازاي تغيب والارض انت مركزها يرضيك تضيع اهل الارض بغيابك
ازاي تغيب والمطر في قلبك طيبة ونور
يرضيك تغيب والورد يدبل ويضيع
ازاي تغيب قولي وانت الحياة
بيقولوا عليا بحبك ... يا تري انت بتقول عليا ايه
كل اللي بتمناه تفضل جنبي هنا وافضل معاك
تفضل تحبني وافضل وياك
انا عايزاك تبقي حمايتي من كل حاجة
واوعدك هحاول ابقي ليك كل حاجة
من زمان عملتلك مملكتك وعينتك علي العرش
انت بس اللي جدير بالمملكة دي
انت بس اللي تقدر تحكمها بطيبتك وذكائك
انت بس اللي بحبك
لسه مجاش الاوان ...معلش هاصبر وانت هتصبر
الرعية اشتاقولك:))

Saturday, July 16, 2011 at 12:21am