وحشتني

وحشتني اوي كل حاجة فيك وحشتني
نظرتك ..ضحكتك ... ابتسامتك .. زعلك لما تزعل.. اهتمامك.. رقتك... هزارك
كل حاجة كل حاجة وحشتني اوي واشتقت ليها جدا
نفسي اقولك كل ده بس مش قادرة
نفسي اعبرلك عن شوقي اللي بجد تاعبني وسكوتي وصمتي اللي بيتعبني اكتر
سماع صوتك ينسيني كل ما في زماني
ينسيني انا مين
ومش بفتكر غيرك
عارف نفسي اصرخ اوي واقول بحبك
نفسي بجد اسكن جواك عمري ماحسيت الاحساس ده الا معاك
معاك كل حاجة بتبقي حلوة وجميلة وبشوفها بعنيك انت
لو فيه حاجة بتكرهها بكرهها حتي لو كنت بحبها واقعد اقول انا كنت بحبها ازاي دي فعلا تتكره
معاك بحب الطاعة وقولت حاضر ونعم مع اني كتير بناغش فيك واقعد ااوح بس علشان تفضل تقنع فيا وتحايلني واتعبك شوية
عارف انا ببقي موافقة علي اي حاجة تقولها من قبل ما تقولها اساسا بس لازم اناغشك
اه لو تعرف اد ايه انا فخورة بيك وبكل حاجة بتعملها
فخورة بيك وشيفاك احسن واحد فالدنيا ومستغربة اوي ازاي الناس كلها مش عارفاك ومش عارفة انت اد ايه كبير اوي
بس عارف كده احسن علشان انا بغير اوي ومش بطيق اي حاجة عليك
مش هتكلم علي الجانب المظلم في علاقتنا
اللي اعرفه اني ببقي سعيدة معاك سعادة مش بدوقها مع غيرك
ببقي معاك برديس الطفلة البرئية الرقيقة اللي لسه متلوثتش بمصايب كتير
ببقي معاك برديس اللي دايما بتمني اشوفها ادامي
كلام كتير اوي بقولهولك وبدخلك ف كل حاجة تخصني
تعرف انتي بتكلم معاك ف كل حاجة واي حاجة
انت الوحيد اللي بتخيل نفسي في حوار معاه عن اي حاجة حتي عن اللمبة الجديدة اللي جارتي ركبتها ادام باب الشقة بتاعتها
بحبك لما تشخط فيا وتقولي ده مش كلام او اقترح ده امر
ياااااااااااااااااااااااه احلي اوامر ف الدنيا ببقي نفسي اقولك سمعا وطاعة يا مولاي
بس انت عارف بقي لازم اناغشك واقولك وماله وان شاء الله وانت بتكلم كده ليه
بحب نفسي اوي وانا معاك بيتهيالي مش بحب برديس الا معاك
مش بشوف برديس علي حقيقتها بكل جمالها اللي الكل بيتكلم عنه الا معاك
مش بحس بقيمة برديس اوي كده الا معاك
نفسي اقولك كده ده بس للاسف مش هتقدر كل ده
تخيل مع كل جمالك ده وكل الصفات اللي بعشقها فيك
بس انت مش هتقدر يعني ايه برديس تختارك من وسط الكل ليها
مش هتقدر يعني ايه برديس تقول انت مش حد تاني
كتير ببقي خلاص هنهار واقولك بحبك انت حبيبي انت اللي بتمناه من العالم بس الحمدلله لحد دلوقتي ربنا مقويني
انا مطمنة لان نفس السما احنا الاتنين تحتها
نفس الارض عليها
نفس الشمس والقمر بيطلعوا علينا
اه لو تعرف كام مرة كلمتك فيها وانا ببكي ومش قادرة من الخبطات اللي بتجيني واضحك عشان بس مضايقكش
كام مرة كنت بكلمك وانا بنزف وبموت واسمع ضحتك احس اني اتولدت تاني ومبقاش فيه هموم
كام مرة كنت بكلمك وانا طايرة من السعادة وقفلت معاك وبكيت لحد الصبح
تعبانة بحبك اه
موجوعة بيك جدا
بس ابعد عنك لا
مين يعوضني بيك مين يحسسني نفس الاحساس معاك
مين يقدر يطلع برديس اللي جوايا زيك
ميييييييييييييييييييييييييين
انا بقيت بكلم زيك بقيت بستخدم كل مصطلحاتك وكلامك
حسيت اني بقيت انضج علشان بفكر بس زيك
بتسالني كتير انت ايه بالنسبالي
وقتها بهرب من الاجابة طبعا وبتحجج وبلف وبدور مقدرش اقولك الحقيقة
اقولك انت بالنسبة لي اللي بيفتح لبرديس شباك الحياة ادامها
انت اللي بيك بصالح الدنيا بيك برجع برديس تاني
بيك برديس بتبقي نقية اوي
ازاي اتخلي عنك او اسيبك حتي لو بموت بيك وبتوجع وانت الوحيد اللي بتحسسني اد ايه انا نقية ولسه متلوثتش
وقت ما سالتني لما انا وجعتك اوي كده ليه بتكلميني لسه
كان نفسي اقولك وقتها انت سر نقائي انت اللي بحس معاك اني من الملايكة مش من البشر
تخيل كل ده بقوله وانا مدقتش حبك
ولا انت جربت يعني ايه برديس تحبك
انا بس وريتك المملكة من بره وحسستك ببميزاتها لكن انت مختارتش تدخل جواها وتعيش
مع انك لو دخلت هتلاقي مكانك علي العرش
انا مش عارفة اعبرلك عن حبي ليك
شكرا

Tuesday, July 5, 2011 at 10:27pm
شكرا لكل حاجة عملتها وشكرا لكل حاجة معلمتهاش
شكرا ليك اد ما بحبك